Му верувате ли на Маричиќ: На младите ќе им обезбедиме европска иднина
Заменик претседателот во Владата задолжен за европски прашања и секретар за меѓународна соработка во СДСМ Бојан Маричиќ, вечерва на инфо сесија под наслов „ЕУ за младите – за знаења, вештини и добро платена работа“ одговараше на прашања за програмата ЕРАЗМУС+ и за можностите кои ЕУ ги нуди за младите за обуки, размени, пракси и мобилност.
„Младите се наша целна категорија на која во изборната програма на СДСМ посветуваме посебно внимание. Македонската младина е европска младина. Ние сме покажале повеќе пати на дело дека знаеме и умееме да бидеме Европјани на дело. Ние ја сакаме ЕУ не затоа што таа е некоја бајка или приказна, туку затоа што носи механизми за тоа како да бидеме подобро општество, за тоа како да искористиме повеќе прилики, како да добиеме можности бесплатно да учиме на најдобрите универзитети во Европа и како тоа знаење да го употребиме, да го вложиме во нашиот развој, во нашата кариера“, им порача Маричиќ на младите на инфо сесијата.
