Цената на изградбата, дополнителните трошоци, авансното плаќање, ослободувањето од царина, акциза и даноци, се дел од темите што ги предизвика петтиот и последен од пакетот закони за коридорите 8 и 10д кои заради европското знаменце забрзано ја поминаа собраниската процедура.
ВМРО-ДПМНЕ обвини дека се гради хаотично, без било каква документација, дека се остава простор за манипулации и крадење. Власта потсети на 2013-та година и договорот со Синохидро за патиштата Кичево-Охрид и Миладиновци-Штип.
Гласањето за овој сет закони ќе биде најрано утре.
Опозицијата изрази надеж дека претседателот Пендаровски нема да го потпише Законот за работни односи и нема да дозволи 60 часовна работна недела. Власта е уверена во мнозинство кое ќе овозможи забрзана процедура при изградбата на двете делници од европските автопатишта.
