Претседателот објави дека за Законот на игри на среќа бил испратен писмен допис од Брисел за да не се злоупотребува европското знаменце
Мора да се однесуваме како вистински Европејци, а не како балканци, вели Стево Пендаровски
Претседателот Стево Пендаровски денеска ѝ возврати на Демократската унија за интеграција на нејзината забелешка дека направил грешка биде со непотпишувањето на Законот за игри на среќа, велејќи дека „писмен допис од Брисел не е приказна за мали деца“.
Пендаровски од Тетово порача дека Европската унија сериозно укажува на злоупотреба на можноста со европско знаменце и по кратка постапка да се носат закони, како што беше направено во областа на игри на среќа. Тој порача дека не смее да се повторува ваквиот начин на носење на закони.
„Јас не мислам дека писмен допис од Брисел за кого било во земја кандидат, која преговара за членство во Европска унија, може да се каже дека е приказна за мали деца. Според мене, тоа е сериозно укажување кое не би смеело како однесување да го повторуваме понатаму. Пред еден месец Европската комисија, значи Европската унија, од Брисел праќа писмо до Владата и вели во процедура во Собрание имате закон со кој практично се злоупотребува европското знаме, бидејќи таква европска директива нема.
