Ковачевски најави дека ќе биде разрешено целото раководство на М-НАВ
Денешниот инцидент во кој тројка насилно упаднала во контролата за летање и „делела“ боксови ја прели чашата на трпението. Јавноста шокирана од насилството
Откако денеска ескалира ситуацијата во Македонска навигација и беше загрозен абезбедноста на македонското небо од Владата стигна информација дека премиерот Димитар Ковачевски, во консултација со министерката за одбрана Славјанка Петровска и министерот за транспорт и врски, Благој Бочварски, на следната седница на владата во вторник ќе побара целото раководство и сите членови на Управниот одбор да бидат разрешени.
Премиерот очекува таквиот предлог да се усвои и по разрешувањето на директорите да се отвори итна постапка за избор на нови раководни лица и Управен одбор во јавен, транспарентен и законски пропишан процес.
Ковачевски ќе го повика Јавното обвинителство, ДКСК, Државниот завод за ревизија, Финансиската полиција и меѓународните тела за контрола на авиосообраќајот да направат целосна ревизија на досегашното работење на М-НАВ за да се гарантира безбедноста на авиосообраќајот во Македонија.
