Огранокот на Демократската унија за интеграција во Чаир денеска одржа настан за промоција на проектите на секретаријатите на огранокот на ДУИ во Чаир.
Меѓу многуте присутни, говор имаше претседателот на ДУИ,Али Ахмети, првиот вицепремиер Артан Груби, потпретседателот на ДУИ, Бујар Османи како и претседателот на огранокот на ДУИ во Чаир, Беким Незири.
– ДУИ е силно движење, а од нејзиното основање се прават обиди да се уништи, но реков дека оваа организација не исчезнува. ДУИ ги има своите темели во крвта на идеалистите и мисионерите на нацијата, затоа не се грижете што велат дека ќе добиеме болви, затоа што ДУИ е правилно формирана и организирана со докажани професионалци.ДУИ веќе ја започна иницијативата за „Фронтот за ЕУ”, бидејќи пред нас имаме важни предизвици, затоа што ДУИ не сака поделби, туку соработка и заедно да одиме напред кон подобра иднина. ДУИ поддржува напредок и тоа секогаш ќе остане така, изјави претседателот на ДУИ, Али Ахмети.
Во своето излагање пред присутните, првиот вицепремиер Артан Груби истакна дека преку 40 проекти презентирани на овој настан ја предизвикуваат Владата да ги исполни и реализира, притоа споменувајќи многу проекти кои успешно се реализирани од изборната програма на ДУИ.
