Американското министерство за надворешни работи соопшти дека специјалниот претставник на Стејт департментот, Џејмс Рубин, идната недела ќе посети неколку земји од Западен Балкан, вклучително и Македонија.
Тој од 10-ти до 14-ти април ќе ги посети Подгорица, Скопје и Тирана.
„Тој со владините претставници ќе разговара за зајакнување на поддршката за иницијативите против дезинформациите, кои доаѓаат од Русија, Кина и другите злонамерни актери кои користат дезинформации за да ја поткопаат демократијата и националната безбедност ширум светот “, се вели во соопштението на министерството.
Џејмс Рубин во изјава за српската телевизија Н1, рече дека сега е „време на големи надежи на Балканот“.
