ИРИ ќе му помага на МОН во зголемувањето на ефикасноста на образовните услуги за граѓаните
Меѓународниот републикански институт (ИРИ) ќе му помага на Министерството за образование и наука во заложбите да ја зголеми ефикасноста на образовните услуги за граѓаните, соопшти денеска министерката за образование и наука Весна Јаневска по средбата со Илина Мангова, регионална советничка на ИРИ за Европа и Ана Алибегова, виша програмска менаџерка на ИРИ.
Ќе работиме стратешки, реално ќе ја мериме состојбата и ефектите од нашите образовни политики, следејќи ги мерливите показатели за успешност од стратешкиот и годишниот план за работа на министерството, порача министерката Јаневска.
