Африм Гаши: Со Мицкоски веќе се договоривме за „важни ресори“ во МВР
Уште неодржани избори претпоставените побединици и губитници на гласањето на 8 мај, наводно, вече ги делат ресорите. Лидерот на Алтернатива, Африм Гаши, денеска го продолжи вчерашниот наратив на Христијан Мицкоски дека идната влада била веќе договорена. Гаши рфече дека веќе биле договорени некои институции во МВР што ќе ги води албанската опозиција од „Вреди“.
„Како единствени натпреварувачи во албанскиот политички кампус и, се разбира, победници на овој блок, ние сме и единствени и легитимни претставници на Албанците на овие избори. Следствено, ова нè обврзува да ги претставуваме Албанците и во идната влада, каде што, меѓу другото, ќе раководиме со важни институции од секторот за внатрешни работи, кои се одговорни за санкционирање на криминалот и корупцијата“, изјави Гаши.
