Советот на обвинители едногласно го поддржа Коцевски. Фатиме Фетаи елиминирана поради нецелосна документација, за Лидија Раичевиќ немаше пофални зборови
Тројца кандидати – едниот елиминиран поради некомплетна документација, за вториот немаше добри зборови, за третиот сите се согласија дека треба да биде новиот државен обвинител.
Советот на јавни обвинители на денешната седница едногласно даде позитивно мислење за кандидатот Љупчо Коцевски да биде нов државен јавен обвинител и тоа мислиење да ѝ го испрати на владата, која потоа ќе го предложи во Собранието каде што се избира со 61 глас од пратениците.
Од другите двајца кандидати, Лидија Раичевиќ не доби позитивно мислење од Советот, додека за Фатиме Фетаи не се расправаше, поради нецелосно доставена документација.
