Уставниот суд информира дека предметот У.бр.89/2023, во кој се оспоруваат законските измени и дополнување на Упатството за водење на матичните книги ќе биде ставен на дневен ред на седницата закажана за 5 јули 2023 година. Станува збор за предмет кој судот го оформи по сопствена иницијатива поради сомнеж за неуставност. 

Откако во јавноста сѐ повеќе се актуелизира прашањето за содржината на податоците во изводите на родени, венчани и умрени од матичната книга на евиденција, Уставниот суд информира дека предметот во кој се оспоруваат законските измени и дополнување на Упатството за водење на матичните книги ќе биде ставен на дневен ред на седницата закажана за 5 јули 2023 година.

„Станува збор за предмет кој судот го оформи по сопствена иницијатива поради сомнеж за неуставност“, информираа од Уставниот суд. 

Оттаму уште соопштија дека во меѓувреме за истото Упатство поднесена е инцијатива од страна на политичка партија Левица, а судот ги проверува наводите од иницијативата.

За претседателката на судот, Добрила Кацарска Упатството е неуставно.

„Дали во текот на постапката ќе се осврнеме и на законот или во меѓувреме ќе има иницијатива, или евентуално ние ќе оформиме предмет и за законот, тоа е нешто за кое можеме да разговараме после тоа. Во оваа фаза е оформен предмет за упатството, што понатаму, ќе видиме“, рече таа.

Со Упатството, меѓудругото се предвидува и графа во која граѓаните ќе мора да кажат како се чувствуваат односно на која националност ѝ припаѓаат.

Share on Facebook

Tweet