Судскиот совет ги оцени како неосновани обвинувањата на холандскиот амбасадор, кој го изрази своето незадоволство од работата на оваа институција, нарекувајќи ја дури и нелегитимна. Во писмениот одговор, Советот наведува дека институцијата работи согласно законот и овластувањата кои произлегуваат од Законот за Судски совет. По изјавата на амбасадорот Дирк Јан Коп дека новиот претседател на Судскиот совет е избран по нелегитимна постапка и оти неговата држава суспендира четиригодишен проект, членовите на Советот истакнаа дека нивниот нов претседател бил избран со потребниот број гласови предвидени со закон.
