Кандидатите за претседател во Државната изборна комисија вчера потпишаа Кодекс за фер и демократски избори.
Професорката Билјана Ванковска, како кандидатка за Претседател на Република Македонија изјави:
,,Јас ќе го потпишам овој Кодекс, го сметам ова за протоколарен чин. Меѓутоа во ова парче хартија не верувам. Ова е празно слово на хартија.
Во земја во која не се почитува Устав и закон ние тука убави зборови ќе кажеме дека кампањата ќе биде на високо морално и политичко ниво.
Но, она што се случува на терен е различно, Прво кампањата е почната, кампањата е веќе фаворизирана.
Јас поднесов претставка пред Уставниот суд, а денес овластивме адвокат кој ќе покрене судски постапки против ДИК и АВМУ. Се работи за дискриминаторската распределба на она малку време што го имаме за претставување пред граѓаните.
Лично како професор и кандидат ќе ги почитувам стандардите, но правната битка ќе ја водиме жестоко”
https://www.facebook.com/plugins/video.php?height=287&href=https%3A%2F%2Fwww.facebook.com%2FPartijaLevica%2Fvideos%2F937167867897758%2F&show_text=false&width=560&t=0
