Музичарот Бени Шаќири е назначен за директор на Младинскиот културен центар.
Актуелниот в.д. директор Никола Алексов, воопшто не бил известен за ваквата одлука на градските власти, ниту пак имал некаква најава или можност за жалба.
Едноставно, новиот директор Шаќири, го известил досегашниот дека сега тој треба да ја презме функцијата. Од Град Скопје образложение нема за ваквата одлука. Данела Арсовска го постави Алексов на чело на МКЦ пред една година, откако го разреши Ванчо Богоев, оти не сакал да го вработи токму Бени Шаќири. Музичарот беше кандидат за градоначалник на Скопје на ДОМ и ЛДП, а откако отпадна во првиот круг и даде отворена поддршка на Арсовска.
